PODCAST
యోగాయుష్మాన్‌ భవ
యోగా ప్రాచీన విద్య. ఆ యోగాలో ప్రస్తుతం అతి ప్రాచీన గురువు తావో పోర్సాన్‌ లించ్‌. ఆమె వయసు 98 సంవత్సరాలు. గిన్నెస్‌ బుక్‌ ఆఫ్‌ వరల్డ్‌ రికార్డ్స్‌లోకి ఎక్కిన ఈ గురువు ఈ వయసులోనూ దేశదేశాలు తిరుగుతూ యోగ విద్యను బోధిస్తున్నారు. యోగా ప్రాముఖ్యాన్ని చెబుతున్నారు. అసలైతే తావో పోర్సాన్‌ లించ్‌ పని గట్టుకుని యోగా గొప్పతనం గురించి చెప్పనవసరం లేదు. ఆమెను చూస్తే చాలు. వెంటనే మన మనసు యోగాసనం వేస్తుంది.
ఆ వెంటనే మన దేహం! ఫ్రాన్స్‌ సంతతికి చెందిన ఈ యోగేశ్వరి పుట్టింది పాండిచ్చేరిలో. దీన్ని బట్టి మీకేమర్థమవుతోంది? యోగా గురువుగా ఈమె ఎన్ని దేశాలు తిరిగినా, ఆ పేరు ప్రఖ్యాతులన్నీ మన దేశానికే. రెండు రోజుల క్రితమే తావో పోర్సాన్‌... హార్ట్స్‌డేల్‌లో (యు.ఎస్‌) యోగా క్లాసులు తీసుకుని వచ్చారు. ఇక ఆమెకు అమెరికా కొత్త అధ్యక్షుడు డొనాల్డ్‌ ట్రంప్‌ నుండి ఆహ్వానం అందడమొక్కటే తరువాయి.
