సంప్రదాయానికి భిన్నంగా...
విజయనగరం టౌన్ : ఈ ఏడాది సిరిమాను సంబరంలో అధికారులు సంప్రదాయానికి భిన్నంగా వ్యవహరించారు. పూజారి తాళ్లపూడి భాస్కరరావు హుకుంపేట నుంచి సిరిమాను వెనుక చదురుగుడి వరకు నడిచి రావడం, ఆయన పాదాలను ముర్రాటలతో కడగడం, చంటిబిడ్డలను చూపించడం ప్రతి ఏడాదీ ఆనవాయితీగా వస్తోంది. అయితే ఈ ఏడాది మాత్రం సంప్రదాయాన్ని కాదని మంగళవారం మధ్యాహ్నం పోలీస్ వ్యాన్లో పూజారిని తీసుకువచ్చారు. కారణం ఏదైనా పూజారి పోలీస్ వాహనంలో రావడంపై భిన్నాభిప్రాయాలు వెలువడ్డాయి.