చంద్రబాబు అవినీతిలో నిప్పు

కడప వైఎస్‌ఆర్‌ సర్కిల్‌ :

ఏపీ సీఎం చంద్రబాబు తన అవినీతిలో నిప్పు అనే శాసన మండలి ప్రతిపక్ష నేత సి.రామచంద్రయ్య పేర్కొన్నారు. శనివారం ఇందిరా భవన్‌లో  ఆయన విలేకరులతో మాట్లాడారు. చంద్రబాబు తన గుణాల అవినీతిని బయటికి పొక్కకుండా తనకు తానే నిప్పు అని సర్టిఫికెట్‌ ఇచ్చుకోవడం మంచిది కాదన్నారు. ఓటుకు నోటు కేసులో రూ 50 లక్షలు తన ఎమ్మెల్యే రేవంత్‌రెడ్డి చేత ఇస్తూ పట్టుబడి తానే తప్పు చేయలేదని గొప్పలు చెప్పుకోవడం సరైన పద్ధతి కాదన్నారు. ఓటుకు నోటు కేసులో అవినీతికి పాల్పడకుంటే హై కోర్టులో స్టే ఎందుకు తెచ్చుకున్నారో ప్రజలకు తెలియజేయాలన్నారు. అసెంబ్లీలో తన పార్టీకి సంబంధించిన స్పీకరు ఉన్నారు కాబట్టే నీ ఇష్టం వచ్చినట్లు అసెంబ్లీని నడిపిస్తున్నావని ప్రజాస్వామ్యం నీ ప్రభుత్వంలో ఎక్కడ ఉందో తెలపాలన్నారు. కాంగ్రెస్‌ పార్టీలో సీఎం రాజశేఖర్‌రెడ్డి చేసిన అభివృద్ధిలో ఒక్క శాతం కూడా రాష్ట్రంలో అభివృద్ధి చేయలేదన్నారు. పోలవరం ప్రాజెక్టుకు పూర్తిగా కేంద్రం నిధులతో నిర్మింస్తుంటే తామే నిర్మిస్తున్నట్లు  గొప్పలు చెప్పుకోవడం దారుణమన్నారు. ౖÐð ఎస్‌ రాజశేఖర్‌రెడ్డి తన హయాంలో పోలవరం ప్రాజెక్టుకు సంబంధించి కాలువలు తవ్వుతుంటే  తప్పుబట్టిన చంద్రబాబు నేడు అదే కాలువల ద్వారా నీటిని తీసుకెళ్లడం కనబడటం లేదా అని విమర్శించారు. క్రిష్ణా నీటికి సంబంధించి డిల్లీలో కౌన్సిల్‌ సమావేశం రెండు రాష్ట్రాలకు జరిగితే అక్కడ వారితో ఏమీ మాట్లాడకుండా బయటికి రావడంలో అర్థమేమిటని విమర్శించారు. దీనికి ప్రదాన కారణం ఓటుకు నోటు కేసులో  తెలంగాణా ప్రభుత్వం చేతులో ఇరుక్కున్నావు కాబట్టే ఏమీమాట్లాడలేక చేతులు ఎత్తేసి ప్రజలను సర్వనాశనం చేసేందుకు కుట్ర పన్నుతున్నారని ధ్వజమెత్తారు.  తెలంగాణా ప్రభుత్వం ప్రాజెక్టులు కట్టి ఏపీకి నీరు రాకుండా చేస్తుంటే ఒక్క మాట కూడా వారిని ప్రశ్నించిన దాఖలాలు లేవన్నారు. తెలుగు దేశం ప్రభుత్వం సొంతంగా ఏనాడు అధికారంలోకి రాలేదని 1999లో వాజ్‌పేయి హయాంలో 2014 మోడీ హయాంలో  అధికారంలోకి వచ్చారని గుర్తు చేశారు. కార్యక్రమంలో డీసీసీ అధ్యక్షుడు నజీర్‌ అహ్మద్, పీసీసీ జనరల్‌ సెక్రటరీ సత్తార్, పీసీసీ అధికార ప్రతినిధి నీలి శ్రీనివాసులు, జిల్లా సేవాదళ్‌ ఛైర్మన్‌ చీకటి చార్లెస్‌ పాల్గొన్నారు.