మానవసేవే ‘మాధవ’ సేవ

 తణుకు అర్బన్‌ : ‘మానవ సేవే మాధవ సేవ’ అన్న సూక్తిని నిజం చేస్తున్నారు తణుకు మురారి యూత్‌ సభ్యులు. మొదట్లో ఏటా కృష్ణాష్టమి వేడుకలను ఘనంగా జరిపేందుకు ఏర్పాటైన ఈ యూత్‌ కాలక్రమంలో సమాజ సేవ చేయడం ప్రారంభించారు. ఆ మాధవుడిపై ఉన్న అభిమానంతోనే తమ సంస్థకు మురారి అని పేరు పెట్టుకున్నారు. సుమారు 24 ఏళ్లుగా తణుకు పాతవూరులోని ఇందుకూరి వారి వీధి మహోత్సవాలతో పాటు 12 ఏళ్లుగా సేవా కార్యక్రమాలను ఈ యూత్‌ నిర్వహిస్తోంది. ఏటా కష్ణాష్టమి రోజున వృద్ధులకు దుస్తులు, దుప్పట్లు, వృద్ధాశ్రమాల్లో భోజన వసతి కల్పిస్తున్నారు. అంతే కాకుండా ఏటా 10 మంది వికలాంగులకు ఉచితంగా ట్రై  సైకిళ్లు అందజేస్తూ ఆదర్శంగా నిలుస్తున్నారు. గురువారం కష్ణాష్టమి కావడంతో సేవా కార్యక్రమాలకు సిద్ధమయ్యారు.