అశ్లీల చిత్రాల ముఠా గుట్టు రట్టు

ఆమదాలవలస : జిల్లాలో వారం రోజులుగా సంచలనం సృష్టిస్తున్న ఆమదాలవలసలో అశ్లీల చిత్రాల చిత్రీకరణ ముఠా గుట్టు రట్టయింది. దీనికి సంబంధించి ముగ్గురు నిందితులను అదుపులోకి తీసుకుని ప్రశ్నించగా పలు విషయాలు వెలుగులోకి వచ్చాయని సీఐ నవీన్‌కుమార్‌ వెల్లడించారు. ఈ మేరకు తన కార్యాలయంలో శనివారం విలేకరుల సమావేశం నిర్వహించారు. ఓ అజ్ఞాత వ్యక్తి ఇచ్చిన ఫిర్యాదు మేరకు ఎస్పీ ఆదేశాలతో కేసు దర్యాప్తు చేశామని అందులో కొత్తకోటవారివీధికి చెందిన చింతాడ మహేష్‌ అనే యువకుడు తానే స్వయంగా అశ్లీల చిత్రంలో ఉంటూ చిత్రీకరించిన వీడియో ఆధారంగా దర్యాప్తును ముందుకు తీసుకువెళ్లామని చెప్పారు. ఈ క్రమంలో మహేష్‌ స్నేహితులైన ఆమదాలవలస పట్టణానికి చెందిన సీపాన రమేష్, నానుపాత్రుని సంతోష్, పేడాడ వెంకటరావులను మూడు రోజుల కిందట అదుపులోకి తీసుకుని దర్యాప్తు చేశామన్నారు.