మిస్టర్ ఆంధ్రాగా బాలకృష్ణ

రాజమండ్రిసిటీ : అడ్డూరి నారాయణరావు మెమోరియల్ 3వ రాష్ట్రస్థాయి బాడీబిల్డింగ్ పోటీల్లో మిస్టర్ ఆంధ్రాగా కృష్ణాజిల్లాకు చెందిన కె. బాలకృష్ణ ఎంపికయ్యారు. స్థానిక కోటిపల్లి బస్టాండ్ సమీపంలోని గౌతమీ వ్యాయామ కళాశాలలో ఆదివారం రాత్రి జరిగిన ఈ పోటీల్లో రాష్ట్రంలోని వివిధ ప్రాంతాల నుంచి 140 మంది బాడీబిల్డర్లు పాల్గొన్నారు. 55, 60, 65, 70, 75, 80, 85, 85 ప్లస్ కేజీల  విభాగాలలో పోటీలు నిర్వహించినట్టు రాష్ట్ర బాడీ బిల్డింగ్ అసోసియేషన్ కార్యదర్శి వెంకటరమణమూర్తి తెలిపారు.



ఈ 8 కేటగిరీల్లో ఒక్కొక్క స్థాయికి ప్రథమ, ద్వితీయ, తృతీయ స్థానాలకు విజేతలను ఎంపికచేశామన్నారు. విజేతలకు ముఖ్య అతిథిగా హాజరైన కేశవభట్ల ఛారిబుల్ ట్రస్ట్ చైర్మన్ కేశవభట్ల శ్రీనివాసరావు బహుమతులను అందజేశారు. మిస్టర్ ఆంధ్రాగా ఎంపికైన బాలకృష్ణకు బహుమతులతోపాటు ప్రత్యేక బహుమతిగా రిఫ్రిజిరేటర్‌ను అందజేశారు.